„Þetta var mjög gaman. Bæði lið stilltu upp ungum strákum í bland við þá eldri. Þetta var gríðarleg skemmtun og þessir úrslitaleikir í þessu Bose móti hafa verið mjög skemmtilegir undanfarin ár. Það var 7-2 í fyrra og núna 6-1, þetta er bara veisla."

Tobiast Salquist og Martin Lund Pedersen voru með Fjölni á síðustu leiktíð en ekki er ljóst hvar þeir spila næsta sumar. Ágúst vonar að þeir verði áfram í Grafarvogi.

„Þetta eru flottir strákar og við sjáum hvað setur og hvort þeir komi eða hvað verður. Það er nóg af ungum strákum sem geta tekið við keflinu. Þetta eru frábærir leikmenn og ég vona að þeir hafi fengið stórt Fjölnishjarta og elti ekki peningana."

Bojan Stefán Ljubicic spilaði með Fjölni í leiknum en hann hefur í gegnum tíðina leikið með Keflavík en hann var lánaður í Fram, seinni part síðustu leiktíðar.

„Bojan er búinn að æfa í viku og ég vildi sjá hann í leik. Hann skoraði frábært mark og stóð sig vel. Ég er ánægður með hann og við sjáum til hvað við gerum í framhaldinu."

Viðtalið má sjá í heild sinni hér að ofan.