„Mér fannst þetta vera hneisa. Ég held það sé alveg öruggt að síðan ég tók við þessu FH liði árið 2007 höfum við aldrei tapað svona stórt. Við gátum ekkert og þeir voru miklu betri en við," sagði Heimir Guðjónsson eftir 6-1 tap fyrir Fjölni í úrslitaleik Bose mótsins í kvöld.
Heimir sá ekkert jákvætt við leikinn og segir hann Fjölnismenn einfaldlega hafa sundurspilað sitt lið.
Heimir sá ekkert jákvætt við leikinn og segir hann Fjölnismenn einfaldlega hafa sundurspilað sitt lið.
„Þeir sundurspiluðu okkur á köflum og við vorum allt of seinir. Grunn skipulagið var lélegt, við eltum ekki mennina okkur og unnum ekki tæklingar."
„Sóknarlega vorum við arfaslakir, það var lítil hreyfing. Við töpuðum boltanum á slæmum stöðum og þeir fóru í hraðar sóknir. Það var ekkert jákvætt."
Hann segir augljóst að FH þurfi að bæta við sig mönnum fyrir sumarið.
„Við þurfum að bæta við okkur í öllum línum. Við þurfum að fá hafsent, miðjumann og vængmann. Við þurfum að fá 3-4 leikmenn."
Viðtalið má sjá í heild sinni hér að ofan.
Athugasemdir