Miðvörðurinn Hólmar Örn Eyjólfsson og félagar hans í búlgarska liðinu Levski Sofia tryggðu sér í dag sæti í undanúrslitum bikarkeppninnar þar í landi.
Hólmar er lykilmaður hjá Levski Sofia sem vann 2-0 sigur gegn Dunav Ruse á útivelli.
Hólmar er lykilmaður hjá Levski Sofia sem vann 2-0 sigur gegn Dunav Ruse á útivelli.
Langt er síðan Levski Sofia tapaði síðast leik en liðið er í þriðja sæti í deildinni, níu stigum frá Ludogorets sem trónir á toppnum.
Vetrarhlé er komið í Búlgaríu en næsta umferð í deildinni verður 16. febrúar.
Í janúar fer Hólmar með landsliðinu til Indónesíu en hann er í harðri baráttu um að vera með í flugvélinni sem fer á HM í Rússlandi.
Hólmar hefur leikið sex A-landsleiki en allt eru það vináttulandsleikir.
Athugasemdir