„Ég myndi ekki segja að það hafi verið rólegt. Ískaldur sannleikurinn var sagður en staðreyndin er sú að við erum ekki í góðri stöðu. Ég tel að menn hafi þurft að fá að heyra það sem þeir vilja ekki heyra. Vonandi skilar þetta viðbrögðum," segir Lascelles.

Rafa Benítez og lærisveinar hafa aðeins náð í eitt stig af síðustu 24 mögulegum. Newcastle mætir Arsenal á morgun laugardag.

Viðræður eru um eigendaskipti á félaginu og virðast skiptin vera að ganga í gegn samkvæmt fréttum enskra fjölmiðla.

„Þegar slæmu úrslitin halda áfram að hrannast upp þá hefur það áhrif á sjálfstraustið. En þá er ekkert annað í stöðunni en að sýna karakter og koma út úr skelinni. Með þennan stjóra og þennan leikmannahóp getum við klárlega komist á beinu brautina," segir Lascelles en hann segir að umræðan um eigendaskiptin séu ekki að trufla liðið.