Pochettino og hans menn í Tottenham ætla sér að vinna titla í framtíðinni en hluti af þeirri áætlun er nýr leikvangur sem verið er að byggja.

Pochettino segir að einhverjir leikmenn hafi líklega ekki þolinmæði til þess að bíða.

„Það er vandamálið. Einhverjir leikmenn eru kannski ekki sammála áætlun okkar um uppbyggingu. Kannski vilja þeir fara annað til að fá nýja áskorun. Við erum öll mismunandi og höfum misjafnar áskoranir, hlutverk og áætlanir í lífinu," segir Pochettino.

„Það er eðlilegt. Mikilvægast er að ræða málin og reyna að halda öllum ánægðum. Lífið snýst um að njóta og gleðjast. Það snýst ekki um að eyða tímanum á neikvæðan hátt. Lífið er of stutt."

„Við höfum ekki áhyggjur. Við vitum hvernig okkar stefna er og hverjir við erum. Við erum ekki bara að hugsa um daginn í dag og morgundaginn. Við erum að hugsa langt fram í tímann."

Dele Alli skoraði í báðum leikjunum gegn City á síðasta tímabili en hann hefur ekki fundið sig síðustu vikur og byrjaði á bekknum gegn Brighton í miðri viku. Það er þó búist við því að hann verði í byrjunarliðinu á morgun.