Kanada og Ísland mætast í vináttulandsleik í kvöld sem leikinn verður í Orlando í Flórída. SkjárSport sýnir leikinn beint og í opinni dagskrá.

Ekki er um að ræða alþjóðlegan leikdag og vantar því marga lykilleikmenn í íslenska liðið en það sama á við um það kanadíska. Þetta er kjörið tækifæri fyrir þá sem minna hafa spilað að undanförnu til að sýna sig og sanna.

Alls eru sex leikmenn í íslenska hópnum sem ekki hafa leikið A-landsleik áður, auk þess sem sjö aðrir hafa spilað einn leik.