Stjarnan steig stórt skref í átt að úrslitaleik Fótbolta.net mótsins með 2-0 sigri á ÍA í Kórnum í kvöld.

Bæði þessi lið unnu sína leiki í fyrstu umferðinni um helgina. Stjarnan lagði þá Breiðablik 1-0 á meðan ÍA vann ÍBV 3-1.

Hinn 19 ára gamli Kristófer Konráðsson skoraði bæði mörk Stjörnunnar en þau komu í sitthvorum hálfleiknum. Í fyrra markinu vippaði Kristofer yfir Árna Snæ Ólafsson í marki ÍA og í því síðara skoraði hann með góðu vinstri fótar skoti.

Stjarnan mætir ÍBV í lokaumferð riðilsins um aðra helgi á meðan ÍA mætir Breiðabliki. Breiðablik og ÍBV mætast næstkomandi laugardag í 2. umferð í riðlinum.

Byrjunarlið Stjörnunnar: Haraldur Björnsson, Óttar Bjarni Guðmundsson, Daníel Laxdal, Hörður Árnason, Jóhann Laxdal, Baldur Sigurðsson, Alex Þór Hauksson, Jósef Kristinn Jósefsson, Ævar Ingi Jóhannesson, Þorsteinn Már Ragnarsson, Kristófer Konráðsson.

Byrjunarlið ÍA: Árni Snær Ólafsson, Arnór Snær Guðmundsson, Albert Hafsteinsson, Hallur Flosason, Arnar Már Guðjónsson, Ólafur Valur Valdimarsson, Viktor Helgi Benediktsson, Einar Logi Einarsson, Hilmar Halldórsson, Hörður Ingi Gunarsson, Stefán Teitur Þórðarson.