„Hann hreyfði boltann ótrúlega vel í leiknum og var duglegur að nota blandaðar sendingar. Hann stjórnaði tempóinu og var alltaf ógnandi," sagði Mourinho um frammistöðu Pogba að leikslokum.

„Hann átti tvær stoðsendingar og hefði átt skilið að skora úr aukaspyrnunni þarna í lokin, það hefði verið fullkomið.

„Liðið er hægt og rólega að breyta um leikstíl. Þessi leikstíll virðist henta Pogba mjög vel, spilið er byggt í gegnum hann."

Pogba er búinn að skora þrjú mörk og leggja níu upp í þrettán deildarleikjum.

Man Utd er í öðru sæti deildarinnar, tólf stigum frá Manchester City sem tapaði fyrir Liverpool um helgina.