Roy Keane, fyrrverandi fyrirliði Manchester United og írska landsliðsins, telur gengi Tottenham og Liverpool undanfarinn áratug vera til skammar.
Bæði lið hafa verið að gera vel á tímabilinu og eiga góða möguleika á að komast í 8-liða úrslit Meistaradeildarinnar, en þau hafa aðeins unnið einn bikar á haus síðustu tíu ár.
Tottenham hafði betur gegn Chelsea í úrslitaleik deildabikarsins 2008 og hampaði Liverpool sama bikar eftir vítaspyrnukeppni við Cardiff í febrúar 2012.
Bæði lið hafa verið að gera vel á tímabilinu og eiga góða möguleika á að komast í 8-liða úrslit Meistaradeildarinnar, en þau hafa aðeins unnið einn bikar á haus síðustu tíu ár.
Tottenham hafði betur gegn Chelsea í úrslitaleik deildabikarsins 2008 og hampaði Liverpool sama bikar eftir vítaspyrnukeppni við Cardiff í febrúar 2012.
„Það er vandræðalegt að félög á stærðargráðu við Liverpool og Tottenham séu búin að vinna einn titil á tíu árum," sagði Keane í meistaradeildarútsendingu ITV.
„Þetta eru félög sem eiga að vera samkeppnishæf í öllum keppnum og eiga að geta unnið ensku bikarana af og til."
Lee Dixon, fyrrverandi bakvörður Arsenal og enska landsliðsins, sagði að það væri einfaldlega meiri peningur í því að ná meistaradeildarsæti og þess vegna myndu félögin frekar einbeita sér að deildinni heldur en bikarkeppnum.
Athugasemdir