Þessi leigubíll tengist atvikinu ekki neitt.
Alan Pardew, stjóri WBA, er eflaust ekki sáttur með sína menn.
WBA hefur sent frá sér yfirlýsingu þar sem kemur fram að félagið sé að rannsaka atvik sem átti sér stað hjá fjórum leikmönnum liðsins í æfingaferð á Spáni í vikunni.
Leikmennirnir eru sakaðir um að hafa stolið leigubíl klukkan 5:30 í gærmorgun.
Leikmennirnir höfðu verið úti að skemmta sér og ætluðu að fá sér að borða áður en að þeir myndu fara að sofa. Enginn matsölustaður var opinn í nágrenninu svo leikmennirnir tóku leigubíl á McDonald's.
Einhverja hluta vegna ákváðu þeir síðan að stela leigubílnum af leigubílstjóranum á McDonald's. Einn af leikmönnunum keyrði leigubílinn á hótelið og þar var bíllinn skilinn eftir fyrir utan á meðan leikmennirnir fóru upp á herbergi að sofa.
Leikmennirnir eru sakaðir um að hafa stolið leigubíl klukkan 5:30 í gærmorgun.
Leikmennirnir höfðu verið úti að skemmta sér og ætluðu að fá sér að borða áður en að þeir myndu fara að sofa. Enginn matsölustaður var opinn í nágrenninu svo leikmennirnir tóku leigubíl á McDonald's.
Einhverja hluta vegna ákváðu þeir síðan að stela leigubílnum af leigubílstjóranum á McDonald's. Einn af leikmönnunum keyrði leigubílinn á hótelið og þar var bíllinn skilinn eftir fyrir utan á meðan leikmennirnir fóru upp á herbergi að sofa.
Leikmennirnir vöknuðu þó upp við vondan draum þegar lögregla bankaði upp á hjá þeim á hótelinu. Þeir voru færðir í yfirheyrslur en sleppt að þeim loknum.
Leigubílstjórinn fékk leigubílinn aftur í sínar hendur klukkan 8 eða tveimur og hálfum tíma eftir að bílnum var stolið.
Ekki er búið að nafngreina leikmennina en WBA hefur staðfest að rannsókn á málinu standi yfir.
„Félagið hefur sett af stað sína eigin rannsókn á atvikinu," sagði meðal annars í yfirlýsingu frá WBA í dag.
WBA mætir Southampton í enska bikarnum á morgun en liðið er í mjög slæmri stöðu á botni ensku úrvalsdeildairnnar. WBA hefur einungis unnið einn af síðustu 25 leikjum í ensku úrvalsdeildinni og er sjö stigum frá öruggu sæti.
Athugasemdir
