BBC tekur saman enska slúðrið daglega og er hægt að sjá það helsta hér fyrir neðan.
Real Madrid ætlar að reyna að kaupa Paul Pogba, 24, í sumar. Real þarf að greiða meira en 120 milljónir punda fyrir miðjumanninn. (Sun)
Liverpool ætlar að kaupa brasilíska markvörðinn Alisson, 26, af Roma í sumar. Roma vill 62 milljónir punda fyrir hann. (Sky Sports)
Joe Hart, 30, vill finna sér nýtt félag. Ekkert hefur gengið hjá honum að undanförnu og er hann ekki lengur fremstur í goggunarröðinni hjá West Ham. (Sun)
Malcom hefur komist að samkomulagi við Bordeaux og fær að yfirgefa félagið í sumar. Arsenal og Tottenham sýndu honum mikinn áhuga í janúarglugganum. (UOL)
John Terry vill snúa aftur til Chelsea og aðstoða við þjálfun liðsins. Terry, 37, verður samningslaus í júlí en hann hefur átt gott tímabil með Birki Bjarnasyni og félögum í Aston Villa. (Mirror)
Tottenham er tilbúið til að hlusta á tilboð í belgíska miðvörðinn Toby Alderweireld, 28, eftir mislukkaðar samningsviðræður. (London Evening Standard)
Tottenham ætlar að nýta sér ákvæði í samningi Erik Lamela og framlengja samning hans um eitt ár. Hann rennur út sumarið 2019 sem stendur. (ESPN)
Leicester City hefur áhuga á Thorgan Hazard, yngri bróður Eden Hazard. Thorgan, 24, er lykilmaður í sterku liði Borussia M'Gladbach. (HLN)
Richarlison, 20, útilokar ekki að fara til Chelsea í sumar. Watford vill halda ungstirninu en Arsenal og Tottenham hafa einnig áhuga. (London Evening Standard)
Lionel Messi, 30, verður hvíldur oftar til að Börsungar fái sem mest úr honum í stórleikjunum. (Marca)
Aston Villa er í viðræðum um að fara í náið samstarf við Lyngby Boldklub í Danmörku. (Birmingham Mail)
Patrik Kluivert hefur ráðlagt syni sínum að fara frekar til Spánar heldur en Englands. Justin Kluivert, 18, er búinn að brjóta sér leið inn í byrjunarlið Ajax og er eftirsóttur um alla Evrópu. (Metro)
Eiginkonur Angel di Maria og Thiago Silva gagnrýndu Unai Emery, þjálfara PSG, opinberlega eftir 3-1 tap gegn Real Madrid í Meistaradeildinni. Hvorugur kom við sögu í leiknum. (Marca)
Athugasemdir