„Þetta var mikill baráttuleikur. Við fáum núll stig út úr honum og það er fúlt, en við erum í undirbúningsferli og þá reynir maður að horfa á frammistöðu umfram úrslit og það var fullt af jákvæðum punktum í kvöld," sagði Ásmundur eftir leikinn.

Ási segir að hópurinn sé kominn töluvert lengra, ef miðast er við síðasta ár.

„Ef maður ber saman við árið í fyrra, þá finnst mér við vera komnir töluvert lengra áleiðis. Við þurfum hins vegar að halda vel á spöðunum fram að móti."

Markmiðið hjá Fram er að taka skref fram á við.

„Það er auðvitað markmiðið, leynt og ljóst, við viljum taka eins stór skref fram á við og við getum," sagði Ásmundur að lokum, en viðtalið má sjá í heild sinni í spilaranum hér að ofan.