Barnes skrifaði undir þriggja ára samning sem rennur ekki út fyrr en sumarið 2021, þegar Barnes verður 31 árs.

„Ég er að spila besta fótbolta ferilsins og er ótrúlega stoltur af því að vera partur af þessum klúbbi," sagði Barnes við undirskriftina.

„Félagið stefnir ekkert nema upp á við og það eru forréttindi að fá að taka þátt í þessu."

Jóhann Berg Guðmundsson hefur verið að gera góða hluti með Burnley á tímabilinu og eru orðrómar á kreiki um að hann verði seldur í sumar.