Nú rétt í þessu var dregið í 8-liða úrslit í Meistaradeild Evrópu. Liverpool og Manchester City mætast í enskum slag. Fyrri leikurinn fer fram á Anfield og sá síðari á Etihad.

Manchester City burstaði Liverpool 5-0 í byrjun tímabils í ensku úrvalsdeildinni en Liverpool hafði betur 4-3 þegar liðin mættust á Anfield í janúar.

Juventus og Real Madrid mætast en þessi lið áttust við í úrslitaleik Meistaradeildarinnar í fyrra og þá hafði Real betur.

Barcelona leikur gegn Roma og Sevilla mætir þýsku meisturunum í Bayern Munchen.