Þorvaldur hefur áður verið sérfræðingur í Pepsi-mörkunum og hann snýr nú aftur á skjáinn.
Fyrr í vikunni var tilkynnt að Hjörvar Hafliðason verði ekki áfram sérfræðingur í þáttunum og í dag tilkynnti þáttastjórnandinn Hörður Magnússon að Óskar Hrafn Þorvaldsson verði ekki með sökum anna sem þjálfari hjá Gróttu.
Sérfræðingarnir hafa verið kynntir til leiks í vikunni en þeir verða fleiri en undanfarin ár. Samtals verða sérfræðingarnir sex talsins í sumar.
Boðaðar hafa verið að miklar breytingar verði á þættinum, meðal annars þegar kemur að grafík og leikgreiningum.
Þá munu leikmenn og þjálfarar koma í settið en Rúnar Kristinsson verður gestur í fyrsta þætti.
Sérfræðingar Pepsi-markanna í sumar
Freyr Alexandersson
Gunnar Jarl Jónsson
Hallbera Guðný Gísladóttir
Indriði Sigurðsson
Reynir Leósson
Þorvaldur Örlygsson
Þorvaldur Örlygsson, fyrrverandi álitsgjafi Pepsímarkanna, mætir í settið á nýjan leik. Núverandi þjálfari U19 landsliðs karla en þjálfaði áður Fram, ÍA og Keflavík í Pepsí-deildinni. Átti farsælan feril sem atvinnumaður í Englandi með Stoke, Oldham og Nottingham Forrest. pic.twitter.com/S1PA9hM16z
— Pepsimörkin (@Pepsimorkin) March 16, 2018
Þá erum við búin að loka hringnum. Freyr Alexandersson, Indriði Sigurðsson, Gunnar Jarl Jónsson, Reynir Leósson, Hallbera Guðný Gísladóttir og Þorvaldur Örlygsson verða með okkur í Pepsímörkunum í sumar. Ýmsar nýjungar en umfram allt íslensk knattspyrna eins og hún gerist best!
— Pepsimörkin (@Pepsimorkin) March 16, 2018
Sökum mikilla anna sem aðalþjálfari Gróttu gat Óskar Hrafn ekki verið með okkur í #pepsimorkunum í sumar. Fáir með jafnmikla ástríðu fyrir leiknum. Óskum honum góðs gengis á Nesinu.
— Höddi Magg (@HoddiMagnusson) March 16, 2018