Iker Casillas, markvörður Real Madrid, segir að slæmt gengi Barcelona undanfarið muni vega lítið sem ekkert þegar liðin mætast í úrslitum spænska bikarsins í kvöld.
Barcelona tapaði 1-0 gegn Granada í deildinni á laugardag og datt úr leik í Meistaradeildinni gegn Atletico Madrid í síðustu viku.
Þó að Barcelona hafi upplifað slæm úrslit undanfarnar vikur býst Casillas við erfiðum leik.
,,Persónulega treysti ég engu sem við höfum séð frá Barcelona í vikunni, þrátt fyrir töp í Meistaradeildinni og deildinni," sagði Casillas við AS.
,,Liðin eru á mjög ólíkri siglingu en það getur allt breyst í úrslitaleik. Þetta verður erfiður og spennandi leikur:"
Athugasemdir