Ólafur Þórðarson, þjálfari Víkings í Reykjavík, segist einstaklingsgæði hafa verið muninn á liðunum í kvöld er Breiðablik hafði betur í Fífunni gegn þeim í 8-liða úrslitum Lengjubikarsins í kvöld.
,,Þetta var jafn leikur en kannski að segja það sem réði úrslitum í leiknum er að þeir hafa meiri einstaklingsgæði heldur en við höfum. Það gekk allt nokkurn veginn en það sem við náum ekki að gera er að skapa sénsa til þess að klára leikinn," sagði Ólafur Þórðarson við Fótbolta.net í kvöld.
,,Við vorum mjög nálægt því nokkrum sinnum en það eru gæðin sem skipta máli í þessari stöðu og við höfðum það bara ekki í dag."
En er frammistaða liðsins í mótinu ekki ásættanleg.
,,Já, það má segja það. Auðvitað vill maður alltaf fara lengra en ég meina við vorum í efsta sæti í riðlinum ásamt Stjörnunni og dettum út fyrir einu af fjórum af sterkustu liðunum í deildinni en við þurfum ekkert að grenja."
,,Auðvitað vill maður meira. Það eru leikmenn sem að ættu að getað afkastað meiru en eru ekki í standi eins og er en vonandi verða þeir tilbúnir fyrir mót. Þetta er á ágætis áætlun og við eigum eftir að bæta við leikmönnum sem við eigum eftir að semja við."
,,Það eru einhverjir þarna sem eru ekki í sínu besta formi ennþá en ég vona nú að það muni gefa okkur meira þegar þeir koma inn. Við þurfum að bæta í framlínuna og miðjuna með Aroni Elís, það er sá kafli í leiknum í dag sem við erum slakastir í sem við erum að sækja leikmenn," sagði hann ennfremur.
Hægt er að sjá viðtalið í heild sinni hér fyrir ofan.
Athugasemdir