Gerardo Martino, þjálfari Barcelona.
Tata Martino, þjálfari Barcelona, telur að ef sínir menn nái að sýna sínar bestu hliðar í kvöld þá muni liðið leggja Real Madrid. Liðin mætast í úrslitum spænska bikarsins í kvöld en þetta er í þriðja sinn sem liðin mætast á tímabilinu.
Börsungar hafa unnið hina tvo leikina.
Börsungar hafa unnið hina tvo leikina.
„Ef við spilum vel í þessum leik þá vinnum við. Það er ekki flókið. Þetta er leikur um titil, úrslitaleikur, og við þurfum að vinna," segir Martino en Börsungum hefur gengið illa að undanförnu.
„Við þurfum að laga það sem hefur farið illa í fortíðinni en getum ekki breytt henni. Við verðum bara að leggja mikið á okkur."
Real Madrdi er án Cristiano Ronaldo í kvöld og Börsungar sigurstranglegri.
„Ronaldo er einn sá besti í heimi og auðvitað er liðið betra með hann innanborðs. En allir leikmenn þurfa að skila meiru til að gera liðið betra," segir Martino.
Athugasemdir
