West Ham er með óbreytt lið frá 1-1 jafnteflinu gegn Chelsea.

Andy Carroll, sem hefur verið frá síðan í janúar vegna ökklameiðsla, er á bekknum. Einnig Manuel Lanzini sem hefur jafnað sig eftir meiðsli á hné.

Javier Hernandez er líka á bekknum þrátt fyrir að hafa skorað jöfnunarmarkið gegn Chelsea. Sam Byram, Pedro Obiang og Winston Reid eru allir enn fjarri góðu gamni hjá Hömrunum.

Stoke er enn án sóknarmannsins Maxim Choupo-Moting sem hefur verið að glíma við nárameiðsli og er ekki klár í slaginn. Kurt Zouma kemur inn í byrjunarlið Stoke.

West Ham er í fimmtánda sæti, sex stigum fyrir ofan fallsæti. Stoke er hinsvegar í 19. sæti, sex stigum fyrir neðan öruggt sæti. Stoke verður að vinna í kvöld til að eiga von um að halda sæti sínu í deild þeirra bestu.

Byrjunarlið West Ham: Hart, Rice, Ogbonna, Cresswell, Zabaleta, (f) Noble, Kouyaté, Masuaku, Fernandes, Joao Mario, Arnautovic.

Byrjunarlið Stoke: Butland, Martins Indi, Zouma, Shawcross, Bauer, Ndiaye, Allen, Ramadan, Pieters, Shaqiri, Diouf.