,,Þetta var virkilega góður sigur í dag og það er gaman fyrir liðið að skora fjögur mörk. Við erum búnir að vera í vandræðum með að skora en það losnaði heldur betur um það í dag," sagði Ríkharður Daðason þjálfari Fram eftir 4-1 sigur á Þór í Pepsi-deildinni í dag.
Lestu um leikinn: Fram 4 - 1 Þór
Hólmbert Aron Friðjónsson skoraði þrennu fyrir Framara í leiknum í dag.
,,Það er frábært að fá þrennu. Hann gerði frábærlega í fyrsta markinu og hann mætti síðan virkilega vel í fyrirgjöf á nærstöng. Við erum búnir að vera á bakinu á honum að koma sér í þá stöðu og þetta var fallega klárað."
Sam Hewson var einnig öflugur í liði Fram í dag. ,,Liðið spilaði gríðarlega vel í dag. Sam var góður í Keflavík og aftur í dag. Hann og Dóri, akkerin á miðjunni, stoppuðu mikið en það er erfitt að týna menn út þegar liðsheildin stendur sig svona vel."
Hér að ofan má sjá viðtalið í heild sinni.
