Úr leiknum í St. Etienne.
Fleiri íslenskir áhorfendur verða á leik Íslands og Ungverjalands í Marseille á laugardag heldur en voru á leik Íslands og Portúgal í St. Etienne í fyrrakvöld.
Um það bil 8000 Íslendingar sáu Ísland gera jafntefli við Portúgal í St. Etienne.
Um það bil 8000 Íslendingar sáu Ísland gera jafntefli við Portúgal í St. Etienne.
Líklegt er að í kringum 9000 íslenskir stuðningsmenn verði á leiknum í Marseille en gríðarlegur áhugi er hjá íslenskum stuðningsmönnum fyrir þann leik.
„Við höfum ekki nákvæmar upplýsingar um þetta frá UEFA, en við teljum að það gæti verið í kringum 9 þúsund," sagði Klara Bjartmarz, framkvæmdastjóri KSÍ, við Fótbolta.net í dag.
Stade Vélodrome, heimavöllur Marseille, tekur um það bil 67 þúsund áhorfendur en samkvæmt upplýsingum Fótbolta.net verða 10-11 þúsund ungverskir stuðningsmenn á leiknum.
Athugasemdir
