Fanndís skoraði flott mark í kvöld
„Við erum gríðarlega sáttar, það er ótrúlega gaman að vinna 1-0," sagði Fanndís Friðriks eftir sigur Breiðabliks gegn Stjörnunni í kvöld.
Lestu um leikinn: Breiðablik 1 - 0 Stjarnan
Fanndís skoraði eina mark leiksins en heldur þó að sitt lið hefði getað skorað fleiri enda sterkari aðilinn í leiknum.
„Við vorum töluvert sterkari aðilinn í leiknum, við hefðum átt að skora fleiri mörk, við náðum oft að opna þær."
Aðspurð út í markið sem að hún skoraði í kvöld sagðist hún hafa fylgst með Sindra Snær Magnússyni í gær skora gegn KR.
„Ég horfði á Sindra Snæ Magnússon í gærkvöldi og ég gat ekki leyft honim að skora flottara mark en ég."
Fanndís var tekin útaf undir lok leiks og sagði hún ástæðuna vera högg á hné og einnig það að hún hafi verið orðin bensínlaus.
„Ég fékk högg á hné, ég er einnig stíf í mjöðminni og síðan var ég bara bensínlaus held ég," sagði Fanndís létt í bragði en hún auðvitað í landsverkefni fyrir þennan leik.
Athugasemdir
