Alfreð fagnar marki sínu.
Heimir Hallgrímsson, landsliðsþjálfari, segir að það hafi verið taktísk ákvörðun að hafa Alfreð Finnbogason í byrjunarliðinu gegn Argentínu í dag frekar en Jón Daða Böðvarsson.
Margir bjuggust við því að Jón Daði myndi byrja en Alfreð byrjaði og þakkaði fyrir sig með marki.
„Við erum með fjóra góða framherja sem hafa mismunandi eiginleika," sagði Heimir á fréttamannafundi eftir leik.
„Alfreð er góður í að ógna bakvið vörnina og þar ætluðum við að særa þá. Við spiluðum bara með einn framherja og hann þurfti ekki að verjast jafn mikið og þegar við spilum með tvo framherja."
„Það var taktísk ákvörðun að láta Alfreð byrja og reyna að ógna í svæðin bakvið vörnina. Hann skoraði svo þetta var ekki röng ákvörðun."
Athugasemdir
