banner
   mið 16. júlí 2014 23:27
Magnús Már Einarsson
Andri Fannar í Njarðvík (Staðfest)
Andri í leik með Njarðvík 2011.
Andri í leik með Njarðvík 2011.
Mynd: Fótbolti.net - Davíð Örn Óskarsson
Njarðvík hefur fengið Andra Fannar Freysson á láni frá Keflavík út tímabilið en þetta staðfesti Guðmundur Steinarsson þjálfari liðsins við Fótbolta.net í kvöld.

Andri Fannar er uppalinn hjá Njarðvík en hann var valinn leikmaður ársins í 2. deildinni þegar hann lék með liðinu árið 2011.

Eftir að hafa misst mikið úr vegna meiðsla árið 2012 gekk Andri Fannar síðan til liðs við Keflavík.

Í sumar hefur Andri spilað fimm leiki í deild og bikar með Keflavík en þessi 21 árs gamli leikmaður spilaði síðast gegn Fylki 22. júní.

Njarðvíkingar eru í fallsæti í 2. deildinni með 5 stig, sex stigum frá öruggu sæti. Liðið mætir Sindra á laugardag en Andri gæti spilað þann leik.
Athugasemdir
banner
banner
banner