Fanndís fagnar marki í kvöld.
,,Það var mjög sætt að skora þetta mark en þetta var fáránlega misheppnuð aukaspyrna," sagði Fanndís Friðriksdóttir leikmaður Breiðabliks um þriðja mark sitt í 4-2 sigri á ÍBV í kvöld en markið skoraði hún úr aukaspyrnu sem var út við hornfána.
,,Þetta var alltof sætur sigur, það er gaman að vinna ÍBV. Sérstaklega þegar við lendumt tvisvar undir og komum til baka," hélt hún áfram. ,,Oft þegar við lendum undir þá höfum við ekki náð að vinna okkur út úr því en núna gerum vð það tvisvar, það er mjög gott."
,,Við vorum miklu meira með boltann og sköpuðum okkur helling af færum. Þær sköpuðu sér tvö færi og skoruðu úr þeim. Ég myndi segja að þetta hafi verið sanngjarn sigur."
,,Það voru allir að leggja sig fram og staðráðnir í að ná í þrjú stig á heimavelli."
Athugasemdir
