,,Þetta eru lið sem þykir gaman af að sækja og eru með marga góða sóknarleikmenn svo þetta opnast oft," bætti hann við um hvers vegna leikir þessara liða eru oft svona skemmtilegir.

,,Þetta var háspenna, við erum klárlega ofan á í þessum leik og eigum að vera búin að loka honum tiltölulega snemma í fyrri hálfleik. En það gengur stundum erfiðlega hjá okkur að setja boltann yfir línuna og þegar það tekst ekki þá er okkur stundum refsað og ÍBV refsaði okkur svo sannarlega. Þær skoruðu úr fyrsta færinu sínu og aftur úr öðru færinu sínu. Þetta eru einu færin sem þær fengu í leiknum."

Félagaskiptaglugginn var að opna og Hlynur var spurður af því hvort hann ætli að fá leikmenn í glugganum?

,,Nei afhverju? Við erum með frábært lið," svaraði hann og brosti en hann er að missa leikmenn í nám erlendis. ,,Berglind, Halla, Hildur og Ásta Eir eru að fara svo það fara fjórir leikmenn. Það koma ekki leikmenn úr öðrum félögum. Við eigum góðan 2. flokk og væntanlega þurfum við að leita þangað og eins eru stelpur á láni sem við þurfum að skoða hvort við köllum ekki heim."