„Þegar maður var að alast upp þá horfði maður mikið á toppliðin. Rooney hefur verið í miklu uppáhaldi hjá öllum krökkum síðustu 10-15 ár. Hann er markahæsti leikmaður enska landsliðsins og ekki langt frá því að vera leikjahæstur líka. Það er mikil reynsla í honum og mikil gæði eins og hann sýndi um síðustu helgi," sagði Gylfi við Fótbolta.net í kvöld

Gylfi og Rooney verða báðir í stóru hlutverki í sóknarleik Everton á komandi tímabili og Gylfi vonar að þeir eigi eftir að ná vel saman.

„Vonandi. Hann er frábær leikmaður og ég hlakka mjög mikið til að spila með honum eins og öllu liðinu. Þetta hefur verið erfitt undirbúningstímabil. Þetta hefur langan tíma en nú er maður loksins spenntur aftur að fara að spila leiki."

Í leikmannahópi Everton eru tveir fyrrum samherjar Gylfa. Ashley Williams lék með honum hjá Swansea og Aaron Lennon lék með honum hjá Tottenham.

Hér að neðan má sjá viðtalið við Gylfa í heild sinni.