Spánverjinn var hjá Deportivo La Coruna á láni á síðasta tímabili þar sem hann skoraði sex mörk í 24 leikjum.

Hann er sjötti leikmaðurinn sem Rafael Benítez fær til sín síðan Newcastle komst aftur í ensku úrvalsdeildina.

„Ég er mjög ánægður því ég hef skrifað undir hjá mjög stóru félagi," segir Joselu.

Newcastle tapaði 2-0 gegn Tottenham á sunnudag í fyrstu umferð ensku úrvalsdeildarinnar. Félagið hefur einnig keypt varnarmennina Florian Lejeune og Javier Manquillo og miðjumennina Mikel Merino, Christian Atsu og Jacob Murphy.

Joselu skoraði fjögur mörk í 27 leikjum á sínu eina tímabili í ensku úrvalsdeildinni fyrir Stoke.

„Við teljum að hann geti sýnt hæfileika sína hjá okkur og muni reynast góð kaup. Hann gerir sér grein fyrir þeirri áskorun sem við höfum fært honum hjá Newcastle," segir Benítez.