Cristiano Ronaldo er alls ekki sáttur með fimm leikja bannið sem búið er að dæma hann í. Hann fékk rautt spjald gegn Barcelona í fyrri leik liðanna um Ofurbikarinn á Spáni sem fram fór á sunnudag.
Ronaldo átti skrautlega innkomu í leiknum á sunnudag. Hann skoraði, fékk gult spjald í fagnaðarlátunum og fékk síðan annað gult og þar með rautt fyrir leikaraskap stuttu síðar. Ronaldo var ekki sáttur með seinna gula spjaldið og ýtti dómaranum í pirringi sínum.
Ronaldo átti skrautlega innkomu í leiknum á sunnudag. Hann skoraði, fékk gult spjald í fagnaðarlátunum og fékk síðan annað gult og þar með rautt fyrir leikaraskap stuttu síðar. Ronaldo var ekki sáttur með seinna gula spjaldið og ýtti dómaranum í pirringi sínum.
Fyrir það fékk hann fimm leikja bann. Real Madrid reyndi að áfrýja banninu, en það var tilkynnt í dag að bann Ronaldo muni standa.
Ronaldo var ekki sáttur með það og lét heyra í sér á samfélagsmiðlum.
„Það er ómögulegt að segja ekkert í þessari stöðu. Fimm leikir! Mér finnst það ýkt og fáránlegt. Þetta kallast ofsóknir. Ég vil þakka liðsfélögum mínum fyrir stuðninginn," skrifar Ronaldo á Instagram.
Hér að neðan er færsla hans.
Athugasemdir