Miðasala fór fram í gegnum miðasölukerfi hjá midi.is og varð uppselt á skömmum tíma eftir að sala hófst.

Um er að ræða leik í undankeppni HM en Ísland er með 13 stig á toppi riðilsins ásamt Króatíu.

Fyrri leikur Úkraínu og Íslands var leikinn fyrir luktum dyrum í september á síðasta ári en hann endaði með 1-1 jafntefli þar sem Alfreð Finnbogason skoraði mark Íslands.

Lokakeppni HM verður í Rússlandi á næsta ári og Ísland er í góðum möguleika á að geta tryggt sér sæti á sínu öðru stórmóti.

Næsta verkefni er þó leikur gegn Finnlandi ytra þann 2. september en leikurinn gegn Úkraínu verður aðeins þremur dögum síðar.