Leikur umferðarinnar: Fram 1 - 3 Fjölnir
Á Laugardalsvelli var sannkallaður sex stiga fallbaráttuslagur. En það voru gestirnir úr Grafarvogi sem mættu með viljann að vopni. Framarar voru kraft- og bitlausir, vörnin í molum, og þeir í raun heppnir að tapa leiknum ekki stærra!
Þjálfari umferðarinnar: Rúnar Kristinsson
Margir bjuggust við að KR myndi ljúka keppni fyrir lokasprettinn líkt og fyrir tveimur árum þegar liðið hafði ekki að neinu að keppa. Allt annað var uppi á teningnum í Árbænum þar sem KR-ingar unnu glæsilegan 4-0 sigur.
Mark umferðarinnar: Gunnar Már Guðmundsson
Herra Fjölnir braut setti tóninn með hreint frábæru marki gegn Fram. Sá smellhitti boltann fyrir utan teig svo hann söng í fjærhorninu, óverjandi fyrir Cardaklija í markinu.
Ekki lið umferðarinnar:
Gunnleifur Gunnleifsson (Breiðablik)
Halldór Arnarsson (Fram) - Ingiberg Ólafur Jónsson (Fram) - Óttar Steinn Magnússon (Víkingur) - Ingi Freyr Hilmarsson (Þór)
Ragnar Bragi Sveinsson (Fylkir) - Einar Orri Einarsson (Keflavík) - Haukur Baldvinsson (Fram)
Ásgeir Marteinsson (Fram) - Chukwudi Chijindu (Þór) - Theodór Guðni Halldórsson (Keflavík)
Met umferðarinnar: Jafntefli Breiðabliks
Blikar gerðu sitt tólfta jafntefli í deildinni. Tólfta! Það er met í efstu deild og óskum við Kópavogsliðinu innilega til hamingju með það.
Atvik umferðarinnar: Aron Elís fer meiddur af velli
Víkingar stigu gott skref í átt að Evrópusæti með 1-1 jaftnefli gegn Val. Valsmenn virtust leggja upp með að þegar Aron Elís Þrándarson fékk boltann var brotið sem fyrst á honum. Eftir að þrír Valsarar höfðu farið í svörtu bókina fyrir brot á Aroni fór þessi efnilegi leikmaður svo meiddur af velli í fyrri hálfleik.
Ummæli umferðarinnar: Magnús Gylfason
„Ég svara ekki svona barnalegum spurningum. Það er bara grín að hlusta á svona kjaftæði. Ég nefndi hann ekki einu orði á fundinum fyrir leik. Í alvöru talað strákar, ég tek ekki þátt í svona," sagði Magnús í viðtali þegar hann var spurður hvort það hafi verið uppleggið að brjóta alltaf á Aroni.
Hiti umferðarinnar: Hallur Hallsson hvalavinur
Mönnum var heitt í hamsi í Víkinni og þar fór Hallur Hallsson hvalavinur með meiru á kostum og lét Magnús Gylfason heyra það eins og greint er frá á Vísi.is.
Kveðjustund umferðarinnar: Þór
Þór féll endanlega þó það hafi ekki farið hátt. Það hefur stefnt í þetta í allt sumar án þess að Akureyrarliðið brást við með einhverjum hætti. Páll Viðar Gíslason lætur engan bilbug á sér finna þrátt fyrir umræðu um hvort tími sé kominn á ferska vinda og hyggst halda áfram með liðið.
Dómari umferðarinnar: Þorvaldur Árnason
Flautaði leik Fram og Fjölnis vel og án nokkurra vandræða.
Brot af umræðinnu á Twitter #fotboltinet
Ótrúlegt hvað það var virkilega augljóst að kynnirinn á Laugardalsvelli nennti þessu engan veginn. mumlaði allt. Skyldi lítið. #FotboltiNet
— Dalmar Ragnarsson (@DalmarBluenose) September 15, 2014
Það er bara eitt lið í Laugardalnum sem vill vera áfram í Pepsi og það er Fjölnir! #fotboltinet #pepsi365
— Ómar Örn Ólafsson (@omardiego) September 15, 2014
Stór partur af því að vera frábær í fótbolta er að vera sparkaður niður. @aronthrandar er orðinn það góður. #Parturafleiknum #fotboltinet
— Haraldur Magnússon (@kanturinn) September 15, 2014
Vildi Hallur ekki bara beinin úr Magga Gylfa #beininheim #fotboltinet
— Magnús Haukur (@Maggihodd) September 15, 2014
Hér má heyra HH lesa Magga pistilinn! https://t.co/HSu9u4zDJ0 #fotboltinet #fotbolti
— Kristinn S Trausta (@Kidditr) September 15, 2014
Þórsarar farnir að níða skóinn af leikmönnum sínum, vælubíllinn að bræða úr sér #113 #pepsinomore #fotboltinet
— Tommi Sigurbjorns (@dontomasini) September 14, 2014
Skellur að enginn hafi verið með desibel mæli hjá bekkjunum í Víkinni í dag. Þá hefðu einhver met fallið. MG vs Óli Þórðar #fotboltinet
— Magnús Már Einarsson (@maggimar) September 14, 2014
Er Pablo Punyed vanmetnasti leikmaður deildarinnar? Frábær í sumar. #Pablo #Fotboltinet
— Viktor Hólmgeirsson (@ViktorHrafn) September 14, 2014
Gummi Ben hatar jafnteflin #fotboltinet
— Daníel Geir Moritz (@DanelGeirMoritz) September 14, 2014
Í fréttamannastúkunni í Víkinni eru menn beintengdir við Old Trafford #fotboltinet pic.twitter.com/EAlwJmoTL5
— Elvar Geir Magnússon (@elvargeir) September 14, 2014
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |