Mario Balotelli skoraði sitt fyrsta mark fyrir Liverpool þegar hann hjálpaði liðinu að vinna 2-1 sigur gegn Ludogorets frá Búlgaríu í Meistaradeildinni í kvöld.

Ítalski landsliðsmaðurinn kom Liverpool í 1-0 þegar tæpar tíu mínútur voru eftir af leiknum, en hann kláraði færið sitt af stakri snilld.

Balotelli varð jafnframt fyrsti Ítalinn til að skora með fjórum mismunandi liðum í Meistaradeildinni, en hin þrjú eru Inter, Manchester City og AC Milan.