Prandelli sagði upp störfum sem þjálfari ítalska landsliðsins eftir HM í sumar en hann gagnrýndi Balotelli harðlega.

Balotelli hefur hinsvegar svarað Prandelli og segir að ítalski þjálfarinn sé langt frá því að vera alvöru karlmaður.

,,Alvöru karlmenn hafa eitthvað að segja og þegar það er þannig þá koma þeir upp að þér og segja það við þig í persónu," sagði Balotelli.

,,Ég er maður sem vill tala við fólk í persónu. Prandelli talaði illa um mig en ætti hann að vera að því að tala illa um mig við blaðamenn strax eftir leik? Ég bjóst alla vega ekki við því og svaraði því ekki heldur, því það er tilgangslaust

,,Ég verð að vera hreinskilinn og segja að ég er fyrir miklum vonbrigðum með það sem fólk sagði og að það hafi verið að kenna mér um hvernig fór á HM. Ég fékk kannski tvö eða þrjú færi allt mótið. Allir vita að ég skoraði gegn Englandi en ég gat ekki gert mikið meira en það," sagði hann að lokum.