Dómari leiksins var snöggur að bregðast við þegar Barry fékk spark í gagnaugað og lenti á bakinu.

„Mér líður vel núna. Ég fékk bara spark í andlitið, sá svart og tungan var komin niður í háls en þegar dómarinn hreyfði við mér fór tungan aftur upp og ég náði andanum," sagði Barry við vefsíðu Chesterfield.

„Dómarinn vissi nákvæmlega hvað hann var að gera og ég er honum afar þakklátur því þetta hefði getað farið mikið verr."

Barry og félagar í Chesterfield eru í neðsta sæti deildarinnar með fimm stig eftir þrettán umferðir.