Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 16. október 2017 16:30
Elvar Geir Magnússon
Hélt liðsræðuna nakinn
Deila fækkaði fötum 2009 þegar hann náði að bjarga Strömsgodset frá falli.
Deila fækkaði fötum 2009 þegar hann náði að bjarga Strömsgodset frá falli.
Mynd: Getty Images
Ronny Deila, fyrrum stjóri Celtic, ákvað að halda liðsræðuna fyrir leik Valerenga og Brann í síðasta mánuði nakinn.

Deila er að þjálfa Valerenga sem hefur verið að berjast í neðri hlutanum í norsku úrvalsdeildinni.

Frægt var þegar Deila afklæddist 2009 þegar hann fagnaði því að hafa náð að forðast fall með Strömsgodset. Hann er greinilega gjarn á að fækka fötum og það virkaði fyrir leikinn gegn Brann þar sem hans menn unnu 2-1 sigur.

„Það eru líklega ansi margir sem hafa séð mig nakinn nú þegar. Það verður að hafa smá gaman í öllum þessum alvarleika sem er ríkjandi. Ég veit ekki hvort þetta var fögur sjón en það virkaði," segir Deila.

Christian Grindheim, leikmaður Valerenga, tekur undir þessi orð. Deila ákvað að halda ræðuna nakinn til að létta andann í hópnum og minnka stressið í leikmönnum.

„Það hefur enginn kvartað yfir því að hann hafi ekki verið nakinn á liðsfundum síðan" segir Grindheim.

Deila, sem gerði Celtic tvívegis að Skotlandsmeisturum, segist ekki ætla að gera það að vana að halda liðsræðurnar nakinn.
Athugasemdir
banner
banner
banner