Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 16. október 2017 16:19
Hafliði Breiðfjörð
Heimild: Vefur Newcastle 
Mike Ashley staðfestir að hann ætli að selja Newcastle
Mike Ashley ætlar að selja Newcastle United.
Mike Ashley ætlar að selja Newcastle United.
Mynd: Getty Images
Mike Ashley eigandi Newcastle United sendi frá sér tilkynningu rétt í þessu þess efnis að hann hyggist selja félagið.

Tilkynningin er birt á vef félagsins í dag en ástæða hennar eru vangaveltur í fjölmiðlum á Englandi þess efnis að hann vildi losa sig við eignarhlut sinn.

„Í kjölfar aukinna vangaveltna í fjölmiðlum um framtíð Newcastle United hefur St. James Holdings Limited, eigandi félagsins ákveðið að koma málunum á hreint."

Svona hefst tilkyninngin á vef Newcastle United í dag en Ashley stefnir ekki á að láta málin dragast neitt því hann vonast til að ná að klára söluna fyrir jól.

„Sem eitt af elstu félögum ensku úrvalsdeildarinnar og eitt af þeim sem hefur mestan stuðning á bakvið sig og með hagsmuni stuðningsmanna og aðdáande í Bretlandi og um allan heim er ljóst að Newcastle þarf skýra stefni til bjartrar framtíðar," hélt tilkynningin áfram.

„Til að tryggja félaginu sem best tækifæri til að festa sig í sessi er fjárfesting nauðsynleg til að koma því fram veginn. Þetta er mikilvægur tími í sögu félagsins, núverandi eigandi félagsins er ákveðinnn í því að það sé hagsmunum Newcastle United og stuðningsmanna þess fyrir bestu að setja félagið á sölu."
Athugasemdir
banner
banner
banner
banner