Ísland tapaði 2-1 gegn Tékkum í undankeppni EM í kvöld en leikið var í Plzen.
Ragnar Sigurðsson kom Íslendingum yfir snemma leiks en Pavel Kaderabek jafnaði á lokasekúndum fyrri hálfleiks.
Jón Daði Böðvarsson skoraði síðan sjálfsmark í síðari hálfleik sem skildi liðin að.
Ragnar Sigurðsson kom Íslendingum yfir snemma leiks en Pavel Kaderabek jafnaði á lokasekúndum fyrri hálfleiks.
Jón Daði Böðvarsson skoraði síðan sjálfsmark í síðari hálfleik sem skildi liðin að.
Hér má sjá einkunnagjöf Fótbolta.net úr leiknum. Ragnar Sigurðsson var valinn maður leiksins.
Hannes Þór Halldórsson 5
Fínn í fyrri hálfleik en leit ansi illa út í síðara marki Tékka.
Theodór Elmar Bjarnason 3 (´61)
Eftir frábæra byrjun í undankeppninni kom mikil dýfa hjá Elmari í kvöld. Gerði sig sekan um mistök í mörkunum og var í basli í þann klukkutíma sem hann spilaði.
Kári Árnason 6
Var í veseni á köflum. Bjargaði vel á línu í síðari hálfleiknum.
Ragnar Sigurðsson 7 - Maður leiksins
Skoraði sitt fyrsta landsliðsmark og var bestur af varnarmönnum Íslands.
Ari Freyr Skúlason 6
Komst ágætlega frá sínu.
Emil Hallfreðsson 4 (´61)
Náði sér aldrei á strik á hægri kantinum. Hefði mátt hjálpa meira til varnarlega.
Aron Einar Gunnarsson 7
Barðis vel að vanda. Frábært að fá löngu innköstin aftur inn frá fyrirliðanum.
Gylfi Þór Sigurðsson 6
Slakasti leikur Gylfa í talsverðan tíma. Var ekki mikið í boltanum. Komst þó nálægt því að skora þegar hann átti skot í stöng í síðari hálfleik.
Birkir Bjarnason 7 (´77)
Með allra bestu leikmönnum liðsins í fyrri hálfleik og átti frábæra stoðsendingu í markinu. Dró af honum í síðari hálfleiknum.
Jón Daði Böðvarsson 5
Hljóp og barðist vel eins og í öllum leikjunum hingað til. Var óheppinn í sjálfsmarkinu.
Kolbeinn Sigþórsson 7
Átti stóran þátt í markinu þegar hann vann Petr Cech í loftinu.
Varamenn:
Rúrik Gíslason 6 (´61)
Náði litið að ógna.
Birkir Már Sævarsson 6 (´61)
Átti góða tæklingu sem bjargaði skyndisókn hjá Tékkum í síðari hálfleiknum.
Jóhann Berg Guðmundsson – (´77)
Athugasemdir