AIK og KR hafa átt í viðræðum um kaupverð á kappanum og virðist það nú vera í höfn en Haukur mun skrifa undir fjögurra ára samning við AIK.

Haukur Heiðar var valinn leikmaður ársins hjá KR, ásamt Gary Martin, en Haukur sem er 23 ára gamall var í íslenska landsliðshópnum í leiknum gegn Tyrkjum fyrr í haust.

Haukur á 158 leiki að baki í efstu og næstefstu deild en hann byrjaði að spila með uppeldisfélagi sínu, KA, aðeins 17 ára gamall.

AIK er eitt stærsta lið Svíþjóðar en liðið lenti í 3.sæti Allsvenskan á nýafstaðinni leiktíð. Heimavöllur liðsins, Friends Arena, tekur alls 54 þúsund áhorfendur.