Perú varð í nótt síðasta landið til þess að tryggja sæti sitt á heimsmeistaramótið í Rússlandi næsta sumar. Dregið verður í riðla þann 1. desember en styrkleikaflokkarnir eru klárir. Ísland verður í 3. styrkleikaflokki.

Í fyrsta skiptið í sögunni verða þrjár Norðurlandaþjóðir með á heimsmeistaramótinu. Þær eru Ísland, Danmörk og Svíþjóð.

Einhverjir vonuðust eftir því að dragast gegn annarri Norðurlandaþjóðinni í riðil en það er ekki möguleiki þar sem allar þjóðirnar eru í 3. styrkleikaflokki.

Danir gátu endað í 2. styrkleikaflokki ef Nýja-Sjáland hefði unnið Perú í nótt en Perú sigraði 2-0 og verða Danir því í 3. styrkleikaflokki.

Aðrar þjóðir sem Íslendingar geta ekki dregist í riðla á HM næsta sumar eru Kosta Ríka, Túnis, Egyptaland, Senegal og Íran.

Þjóðir frá sömu heimsálfu geta ekki dregist í sama riðla, nema í nokkrum riðlum verða tvær Evrópuþjóðir. Ísland mætir því alltaf að minnsta kosti tveimur liðum utan Evrópu.