Skoski miðvörðurinn Jim Cannon var fyrirliði Palace þegar Wright kom til félagsins og segir sóknarmaðurinn að Cannon hafi lagt sig í einelti.

„Hann lagði mig í einelti þegar ég kom til félagsins. Af einhverjum ástæðum fannst honum ég vera ógnandi, hann var ömurlegur við mig," sagði Wright við The Times.

„Ég sagði stjóranum frá eineltinu og hann sagði mér að Cannon yrði ekki mikið lengur hjá félaginu, að ég ætti að halda áfram að gera það sem ég væri að gera og standa upp fyrir sjálfum mér.

„Einn daginn þurfti ég að klobba hann til að skora á æfingu og ég gerði það. Í kjölfarið tók hann kung-fu spark í bakið á mér. Þjálfarinn sá það og Jim var látinn fara frá félaginu eftir tímabilið."

Times ræddi einnig við Cannon sem neitar að hafa lagt Wright í einelti.

„Ég lagði engan í einelti, hann var bara hávær. Kannski urðu samskipti okkar hjá Palace til þess að hann varð svona góður í fótbolta."

Wright fór svo til Arsenal þar sem hann varð að stórstjörnu og komst inn í enska landsliðið.