Cardiff ætlar ekki að hleypa Wolves alltof langt fram úr sér í toppbaráttunni í Championship-deildinni.

Cardiff lagði Hull í dag á heimavelli sínum. Eina markið gerði varnarmaðurinn Sol Bamba á 58. mínútu.

Aron Einar Gunnarsson lék ekki með Cardiff í dag vegna meiðsla. Ekki er vitað nákvæmlega hversu lengi landsliðsfyrirliðinn verður frá, það fer eftir því hvort hann fari í aðgerð eða ekki. Ef hann fer í aðgerð verður hann fjarverandi í mánuð.

Cardiff er í öðru sæti, fjórum stigum á eftir toppliði Wolves. Hull er í 19. sæti deildarinnar með 22 stig.