Alexis Sanchez var nálægt því að ganga í raðir Manchester City í sumar. Á lokadegi félagaskiptagluggans var hann næstum því kominn í ljósbláa búninginn, en til þess að það hefði gerst hefði Arsenal þurft að landa Thomas Lemar frá Mónakó. Það gerðist ekki og Sanchez varð eftir í Lundúnum.

Talað hefur verið um að Man City ætli að gera aðra tilraun til að landa Sílemanninum í janúar.

Pep Guardiola, stjóri City, var spurður að því á blaðamannafundi í gær hvort hann hefði enn áhuga á Sanchez. Blaðamaður Guardian bar upp spurninguna og fyrir það hrósaði Guardiola honum.