Aðstæður til að spila fótbolta á Íslandi eru oft skrautlegar yfir vetrartímann.
„Aðeins á Íslandi hefði leikur verið kláraður við þessar aðstæður," segir Lárus Rúnar Grétarsson þjálfari Fram við myndband sem hann birti á Facebook í dag. Þar má sjá leik í 3. flokki karla sem fór fram í gærkvöldi í hagléli og snjókomu.
„Þetta er klippa úr leik Fjölnis og Fram í 3 flokki a liða í Reykjavíkurmótinu á Egilsgrasinu á þriðjudagskveldi."
„Brjálaður snjóbylur en leikmenn beggja liða kláruðu leikinn og báðu aldrei um að leikurinn yrði flautaður af."
„Það eru ekki bara bómullardrengir sem eru að alast uppá landi hér. Það eru líka naglar af gamla skólanum sem eru hér að koma upp," sagði Lárus einnig.
Hér að neðan má sjá myndbandið.
Athugasemdir
