Arsene Wenger, stjóri Arsenal, segist ekki vera farinn að íhuga að hætta í boltanum. Hann segir þó ekki öruggt að hann starfi áfram hjá Arsenal á næsta tímabili.
Hinn 67 ára gamli Wenger er með samning við Arsenal út þetta tímabil en hann hefur stýrt liðinu frá 1996.
Eftir 5-1 tap gegn Bayern í Meistaradeildinni í vikunni hafa margir stuðningsmenn Arsenal kallað eftir því að Wenger hætti.
„Hvað sem gerist þá verð ég stjóri á næsta tímabili. Hvort sem það verður hér eða annarsstaðar," sagði Wenger á fréttamannafundi í dag.
„Þetta félag verður áfram í öruggum höndum. Hvort sem það verður hjá mér eða einhverjum öðrum."
Athugasemdir