Nú eru öllum leikjum dagsins lokið í La Liga.

Alaves vann mikilvægan heimasigur á Deportivo La Coruna þar sem Munir El Haddadi, fyrrum leikmaður Barcelona, skoraði eina mark leiksins. Með þessum sigri er Alaves komið tíu stigum frá fallsæti og léttir pressunni örlítið af sér.

Gestirnir eru hins vegar í verri málum og sitja í næst neðsta sæti. Þó eru aðeins þrjú stig upp í öruggt sæti.

Í Malaga tók neðsta lið deildarinnar á móti Valencia. Heimamenn byrjuðu betur og komust yfir eftir tæpan hálftíma og voru yfir allt þar til Francis Coquelin, fyrrum leikmaður Arsenal, jafnaði leikinn á 80.mínútu. Fjórum mínútum varð útlitið dökkt fyrir heimamenn þegar Ignasi Miquel fékk rautt spjald og Daniel Parejo skoraði úr víti í kjölfarið.

Malaga er í vondum málum í neðsta sæti deildarinnar, sjö stigum frá öruggu sæti.

Gestirnir frá Valencia eru hins vegar í þriðja sæti, fjórum stigum á undan Real Madrid, sem á þó tvo leiki til góða.