Kaiserslautern 0 - 1 Sandhausen
0-1 Philipp Förster ('78)
0-1 Philipp Förster ('78)
Landsliðmaðurinn Rúrik Gíslason lék allan leikinn þegar lið hans Sandhausen lagði Kaiserslautern í þýsku B-deildinni í gær.
Rúrik spilaði sem vængbakvörður hægra megin í leiknum, en hann hefur veri að leysa þá stöðu fyrir Sandhausen frá því hann kom til liðsins frá Nurnberg í janúarmánuði.
Að því er kemur fram á mbl.is var sigurinn sögulegur fyrir Sandhausen í ljósi þess að liðið hefur aldrei unnið Kaiserslautern á þeirra heimavelli fyrr en nú. Tæplega 24 þúsund manns voru á vellinum í gærkvöldi og sáu þar sigur Sandhausen.
Þetta var mikilvægur sigur fyrir Sandhausen sem er að berjast um sæti í deild þeirra bestu í Þýskalandi. Eftir sigurinn í gær er liðið með 35 stig í fjórða sæti, einu stigi frá umspilssæti.
Athugasemdir