Varnarmaðurinn Toby Alderweireld er í belgíska landsliðshópnum sem mætir Saudi Arabíu í vináttuleik síðar í mánuðinum.

Alderweireld hefur einungis tvisvar spilað með Tottenham síðan í nóvember þrátt fyrir að hafa lýst því yfir að hann sé búinn að jafna sig af meiðslum.

Mauricio Pochettion stjóri liðsins segir að hann vilji ekki láta Alderweireld spila of mikið til þess að vernda feril leikmannsins.

Framherjinn Michy Batshuayi er einnig í hópnum eftir góða byrjun á ferli sínum hjá Dortmund. Ekkert pláss er fyrir Christian Benteke framherja Crystal Palace í hópnum.

Þá er miðjumaðurinn Radja Nainggolan í hópnum á ný eftir að hafa tekið út agabann.