Róbert Örn gengur af velli ásamt Ólafi Guðmundssyni liðsstjóra og Eiríki Þorvarðarsyni markmannsþjálfara FH í gær.
Róbert Örn Óskarsson, markvörður FH, verður klár í slaginn fyrir fyrsta leik liðsins í Pepsi-deildinni gegn Breiðabliki þann 4. maí.
Róbert fór meiddur af velli gegn Stjörnunni í 8-liða úrslitum Lengjubikarsins og óttast var að hann hefði viðbeinsbrotnað.
Róbert fór meiddur af velli gegn Stjörnunni í 8-liða úrslitum Lengjubikarsins og óttast var að hann hefði viðbeinsbrotnað.
,,Ég fór í röntgen í gær og hann óttaðist að þetta væri viðbeinsbrot. Sem betur fer fannst ekkert brot en þetta er slæm tognun," sagði Róbert við Fótbolta.net í dag.
,,Læknirinn sagði tveggja vikna fjarvera en ég er grjótharður og ætla að vera klár fyrr en það."
Hinn 42 ára gamli Kristján Finnbogason kom inn á fyrir Róbert í gær og hann verður einnig í marki FH gegn KR í undanúrslitum Lengjubikarsins á mánudag.
Athugasemdir