Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 17. apríl 2015 14:00
Elvar Geir Magnússon
Spá Fótbolta.net - 10. sæti: ÍBV
ian Jeffs er á sínum stað hjá ÍBV.
ian Jeffs er á sínum stað hjá ÍBV.
Mynd: Fótbolti.net - Hafliði Breiðfjörð
Markvörðurinn Abel Dhaira.
Markvörðurinn Abel Dhaira.
Mynd: Fótbolti.net - Hafliði Breiðfjörð
Aron Bjarnason kom frá Fram.
Aron Bjarnason kom frá Fram.
Mynd: Fótbolti.net - Hafliði Breiðfjörð
Markahrókurinn Glenn.
Markahrókurinn Glenn.
Mynd: Fótbolti.net - Hafliði Breiðfjörð
Spámenn Fótbolta.net telja að Eyjamenn verði í fallbaráttunni í Pepsi-deildinni en nái að bjarga sér frá falli. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. ÍBV fékk 27 stig samtals og er spáð 10. sæti.

Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ÍBV 27 stig
11 ÍA 21 stig
12. Leiknir 14 stig

Um liðið: ÍBV endaði einu stigi fyrir ofan fallsæti í fyrra og er liðinu spáð sama sæti í spá Fótbolta.net fyrir komandi tímabil. Talsverðar breytingar hafa orðið hjá liðinu og er komið nýtt þjálfarateymi með Jóhannes Harðarson sem skipstjóra og Tryggva Guðmundsson sem aðstoðarmann. Fróðlegt verður að sjá hvort liðið verði á svipuðu reiki og í fyrra eða nái að gera betur.



Hvað segir Jörundur? Jörundur Áki Sveinsson er sérstakur álitsgjafi Fótbolta.net um liðin í Pepsi-deildinni 2015. Jörundur lét af störfum sem þjálfari hjá BÍ/Bolungarvík í fyrra en þar áður var hann aðstoðarþjálfari FH. Í dag þjálfar hann meistaraflokk kvenna hjá Fylki.

Styrkleikar: Hásteinsvöllur verður þeirra helsti styrkleiki. Þar verða þeir að hala inn flest sín stig. Hafa einn skemmtilegasta sóknarmann deildarinnar í markaskoraranum Jonathan Glenn. Spurning hvort að hann nái að fylgja eftir frabæru gengi sínu á síðasta tímabili og skila inn mikilvægum mörkum.

Veikleikar: Eyjamönnum hefur ekki gengið vel á undirbúningstímabilinu. Hafa fengið á sig alltof mörg mörk, það er áhyggjuefni. Þurfa að ná í Eyja-"geðveikina" frægu og búa til mikla stemningu í hópnum ef ekki á illa að fara.

Lykilmenn: Abel Dhaira markvörður, verður örugglega mikið að gera hjá honum. Varnarlínan eins og hún leggur sig! Það mun mæða mikið á henni í sumar. Jonathan Glenn, verður að vera í stuði og skora mörk en hann þarf að fá hjálp.

Gaman að fylgjast með: Það verður gaman að fylgjast með þjálfurunum, Jóhannesi og TG#9. Það er mikil pressa á þeim að gera vel og verkefnið er ekki auðvelt. Flestir eru að spá liðinu slæmu gengi og það er þeirra og leikmanna ÍBV að troða sokk í andlit margra, mis-gáfulegra spámanna.



Stuðningsmaðurinn segir - Eiður Aron Sigurbjörnsson
„Ég held að það henti okkur vel að vera spáð í neðri hlutanum, það kveikir bara í eyjamönnum að vera „underdogs." Annars hef ég ekki náð að fylgjast neitt rosa mikið með liðinu í ár en þó eitthvað."

„Við höfum misst nokkra leikmenn en fengið sterka menn inn líka ásamt nýju þjálfarateymi og held ég að Jói og TG eigi eftir að ná miklu úr þessum hóp þannig þetta verður spennandi ár fyrir eyjamenn."

Völlurinn: Hásteinsvöllur tekur yfir 1000 manns í sæti og er með stúkur sitthvorum megin við völlinn. Eitt flottasta umhverfi fótboltavallar í heiminum!

Komnir:
Aron Bjarnason frá Fram
Avni Pepa frá Albaníu
Benedikt Októ Bjarnason frá Fram
Hafsteinn Briem frá Fram
Mees Siers frá SönderjyskE
Óskar Elías Zoega Óskarsson frá BÍ/Bolungarvík (Var á láni)
Tom Even Skogsrud frá Noregi

Farnir:
Arnar Bragi Bergsson í GAIS
Arnór Eyvar Ólafsson í Fjölni
Atli Fannar Jónsson í Víking R.
Brynjar Gauti Guðjónsson í Stjörnuna
Dean Martin
Jökull Elísabetarson í KV
Isak Nylen
Þórarinn Ingi Valdimarsson í FH

Leikmenn ÍBV sumarið 2015:
1 Abel Dahira
2 Tom Even Skogsrud
3 Matt Nicholas Paul Garner
4 Hafsteinn Briem
5 Avni Pepa
6 Gunnar Þorsteinsson
7 Aron Bjarnason
8 Jón Ingason
10 Bjarni Gunnarsson
11 Víðir Þorvarðarson
15 Devon Már Griffin
16 Mees Junior Siers
17 Jonathan Ricardo Glenn
20 Hafsteinn Gísli Valdimarsson
21 Dominic Khori Adams
23 Benedikt Októ Bjarnason
24 Óskar Elías Zoega Óskarsson
25 Guðjón Orri Sigurjónsson
30 Ian David Jeffs
32 Andri Ólafsson

Leikir ÍBV 2015:
3. maí Fjölnir – ÍBV
10. maí ÍBV – Stjarnan
17. maí Fylkir – ÍBV
20. maí ÍBV – Leiknir
25. maí KR – ÍBV
31. maí ÍBV – Víkingur R.
7. júní Keflavík – ÍBV
14. júní ÍBV – FH
21. júní Valur – ÍBV
29. júní ÍBV – Breiðablik
12. júlí ÍA – ÍBV
19. júlí ÍBV – Fjölnir
26. júlí Stjarnan – ÍBV
5. ágúst ÍBV – Fylkir
9. ágúst Leiknir – ÍBV
17. ágúst ÍBV – KR
23. ágúst Víkingur R. – ÍBV
30. ágúst ÍBV – Keflavík
13. sept FH – ÍBV
20. sept ÍBV – Valur
26. sept Breiðablik – ÍBV
3. okt ÍBV – ÍA

Spámennirnir: Arnar Daði Arnarsson, Alexander Freyr Einarsson, Elvar Geir Magnússon, Gunnar Birgisson, Hafliði Breiðfjörð, Arnar Geir Halldórsson og Jóhann Ingi Hafþórsson.
Athugasemdir
banner
banner
banner
banner
banner