| mán 17.apr 2017 12:00 Mynd: Fótbolti.net - Hafliði Breiðfjörð |
|
Spá Fótbolta.net - 9. sæti: ÍBV
ÍBV endaði í níunda sæti í Pepsi-deildinni í fyrra og það sama verður uppi á teningnum í ár samkvæmt spá Fótbolta.net. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig.
Avni Pepa og Hafsteinn Briem eru mikilvægir fyrir ÍBV liðið.
Hinn sænski Viktor Adebahr er einn af nýju leikmönnunum frá því á síðasta tímabili.
Gunnar Heiðar er spilandi aðstoðarþjálfari.
Pablo Punyed er á leið í sitt annað tímabil með ÍBV. Hér er hann í leik í Lengjubikarnum á dögunum.
Felix Örn Friðriksson er mikið efni.
Sindri Snær Magnússon miðjumaður ÍBV.
ÍBV fór í bikarúrslit í fyrra.
Atli Arnarson kom til ÍBV í vetur.
1. ?
2. ?
3. ?
4. ?
5. ?
6. ?
7. ?
8. ?
9. ÍBV
10. ÍA 24 stig
11. Grindavík 19 stig
12. Víkingur Ólafsvík 10 stig
Um liðið: Ákveðin deyfð hefur verið yfir fótboltanum í Eyjum undanfarin ár. ÍBV hefur verið í fallbaráttu í Pepsi-deildinni undanfarin þrjú tímabil og sæti liðsins í deildinni hefur ekki verið öruggt fyrr en á haustdögum. Markmið liðsins í ár verður að komast upp úr fallbaráttunni og sigla lygnari sjó en undanfarin ár.
Þjálfari – Kristján Guðmundsson: Eyjamenn þurftu enn á ný að fara í þjálfaraleit í haust en það hefur verið fastur liður undanfarin ár. Kristján Guðmundsson tók við Eyjamönnum eftir að hafa þjálfað Leikni R. í Inkasso-deildinni í fyrra. Kristján er reyndur þjálfari en hann hefur meðal annars þjálfað Val, Keflavík, Þór og ÍR á ferli sínum auk þess sem hann gerði HB að færeyskum meisturum árið 2010.
Öflugir miðverðir
Styrkleikar: Eyjamenn fengu einungis 27 mörk á sig í Pepsi-deildinni en þeir Hafsteinn Briem og Avni Pepa mynda gríðarlega öflugt miðvarðapar saman. Varnarleikurinn verður áfram aðalsmerki ÍBV en fram á við er liðið með fljóta og skeinuhætta leikmenn. Talsverðar breytingar hafa orðið á leikmannahópnum eins og oft áður en Kristján virðist hafa náð að gera ágætis hluti á leikmannamarkaðinum.
Veikleikar: Stemningin fyrir fótboltanum í Eyjum hefur verið lítil undanfarin ár og kveikja þarf aftur í henni af betri krafti. 26 leikmenn komu við sögu í Lengjubikarnum og Eyjamenn hafa lítið náð að spila á sínu sterkasta liði á undirbúningstímabilinu. Óvíst er hvað spilandi aðstoðarþjálfarinn Gunnar Heiðar Þorvaldsson verður mikið með innan vallar og aðrir leikmenn fremstu víglínu hafa litla reynslu af Pepsi-deildinni.
Lykilmenn: Hafsteinn Briem og Pablo Punyed. Hafsteinn átti frábært tímabil með Eyjamönnum í fyrra og var einn af öflugustu varnarmönnum deildarinnar. Hann verður áfram í stóru hlutverki í sumar. Pablo kom til ÍBV frá Stjörnunni fyrir síðasta tímabil og þar er hæfileikaríkur miðjumaður á ferð. Getur bætt í frá því á síðasta tímabili.
Gaman að fylgjast með: Arnór Gauti Ragnarsson. Ungur framherji sem hefur verið öflugur með ÍBV í vetur. Er úr Mosfellsbæ en kom til ÍBV eftir að hafa verið á mála hjá Breiðabliki í 2. flokki. Í fyrra var Arnór síðan á láni hjá Selfyssingum í Inkasso-deildinni. Skoraði tvö mörk í leik með U21 árs landsliðinu í síðasta mánuði og kemur fullur sjálfstrausts inn í sumarið.
Spurningamerkið: Tíu erlendir leikmenn eru í leikmannahópi ÍBV og talsvert hefur vantað í liðið á köflum í vetur. Nær Kristján að búa til alþjóðlega liðsheild sem getur komið sér burt frá falldraugnum?
Völlurinn: Hásteinsvöll má oft finna á listum yfir mögnuðustu fótboltavelli heims. Einstakt umhverfi og náttúrufegurðin gerir það að verkum að upplifun hjá vallargestum magnast upp. Það er alltaf gaman að skella sér á völlinn og nýta daginn í Eyjum.
„Markmið okkar í sumar er að vera með stabílt Pepsi-deildar lið og vera lausir við fallbaráttuna."
Formaðurinn segir – Páll Hjarðar
„Við stefnum nú aðeins hærra en níunda sæti. Markmið okkar í sumar er að vera með stabílt Pepsi-deildar lið og vera lausir við fallbaráttuna. Ef þú ert á þeim slóðum þá er stutt í að komast í eitthvað skemmtilegt. ÍBV er með hörkuhóp en það þarf alltaf að vera ákveðin stemning með til að ná árangri."
Sjá einnig:
Kristján Guðmunds: Allt annar veruleiki en liðin á höfuðborgarsvæðinu upplifa
Hin hliðin - Arnór Gauti Ragnarsson
Landsliðsmaðurinn sem byrjaði 16 ára að æfa mark
Komnir:
Alvaro Montejo Calleja frá Fylki
Arnór Gauti Ragnarsson frá Breiðabliki
Atli Arnarson frá Leikni R.
Jónas Þór Næs frá B36
Kaj Leo í Bartalsstovu frá FH
Viktor Adebahr frá Svíþjóð
Farnir:
Aron Bjarnason í Breiðablik
Benedikt Októ Bjarnason í Fram
Guðmundur Steinn Hafsteinsson í Víking Ó.
Jonathan Barden
Mees Siers
Simon Smidt í Fram
Sören Andreasen
Leikmenn ÍBV sumarið 2017:
2 Sigurður Arnar Magnússon
3 Matt Garner
4 Hafsteinn Briem
5 Avni Pepa
6 Pablo Punyed
7 Kaj Leo í Bartalsstovu
8 Jón Ingason
9 Mikkel Maigaard Jakobsen
10 Bjarni Gunnarsson
11 Sindri Snær Magnússon
12 Jónas Tór Næs
13 Ásgeir Elíasson
14 Renato Punyed
15 Devon Már Griffin
16 Viktor Adebahr
17 Sigurður Grétar Benónýsson
18 Alvaro Montejo Calleja
19 Arnór Gauti Ragnarsson
20 Hafsteinn Gísli Valdimarsson
21 Halldór Páll Geirsson
22 Derby Carrilloberduo
23 Frans Sigurðsson
24 Óskar Elías Zoega Óskarsson
26 Felix Örn Friðriksson
27 Elvar Ingi Vignisson
28 Erik Ragnar gíslason Ruiz
29 Hallgrímur Þórðarson
30 Atli Arnarson
32 Andri Ólafsson
33 Breki Ómarsson
34 Gunnar Heiðar Þorvaldsson
Leikir ÍBV 2017:
30.apríl ÍBV – Fjölnir
7.maí Stjarnan – ÍBV
14.maí ÍBV – Víkingur R
21.maí Víkingur Ó – ÍBV
27.maí ÍBV – ÍA
4.júní Valur – ÍBV
14.júní ÍBV – KR
18.júní Grindavík – ÍBV
25.júní ÍBV – FH
9.júlí ÍBV – Breiðablik
16.júlí KA – ÍBV
23.júlí Fjölnir – ÍBV
30.júlí ÍBV – Stjarnan
9.ágúst Víkingur R – ÍBV
13.ágúst ÍBV – Víkingur Ó
20.ágúst ÍA – ÍBV
26.ágúst ÍBV – Valur
9.sept KR – ÍBV
14.sept ÍBV – Grindavík
17.sept FH – ÍBV
24.sept Breiðablik – ÍBV
30.sept ÍBV - KA
Spámennirnir: Arnar Daði Arnarsson, Alexander Freyr Einarsson,
Brynjar Ingi Erluson, Elvar Geir Magnússon, Hafliði Breiðfjörð, Kristófer Kristjánsson, Magnús Már Einarsson, Magnús Þór Jónsson.
Athugasemdir
